mohobat kheraat hoti hai....

jisse ehsaas-e- mohobat jana tha
or iqraar k lafzooN k jugnuaooN ko
apne hathooN maiN samaita tha
k jis mohobat k surooN ko
apni awaaz se gaaya tha
apni pehchaan banaya tha
k us behti mohobat ki manzil ko
apni zaat theraaya tha
kehkashaaN se zameeN tak
bataya tha' jataya tha
k
mohobat saath mere hai...!
mohobat saath mere hai...!
haqeeqat phir haqeeqat hai
haqeeqat se adawat kiya...?
k jis ko piyaar samjha tha
mohobat ka naam rakha tha
k wo to ehsaan ki soorat
mere daaman maiN
door se phainki hoi kheraat ki si thi....
k jis ko jaante boojhte bhi
khud se juda nahi kar sakti
k jis ko saath rakhna hai
k jis k saath rehna hai...
or aakhri saans bhi issi ehsaas k saath lena hai...
k mohobat chah nahi hoti
mohobat maaan nahi hoti
bal k ehsaan ki soorat....
mohobat kheraat hoti hai...........!